ਗੂਗਲ ਤੁਹਾਡੀ ਗਤੀਵਿਧੀ ਕਿਵੇਂ ਦੇਖਦਾ ? ਗੂਗਲ ਤੋਂ ਕਿਵੇਂ ਬਚੀਏ ?

ਕੀ ਤੁਹਾਨੂੰ ਪਤਾ ਤੁਹਾਡਾ ਫ਼ੋਨ ਹਰ 4.5 ਮਿੰਟ ਬਾਅਦ ਗੂਗਲ (Google) ਨੂੰ ਡਾਟਾ ਭੇਜ ਰਿਹਾ ਹੈ ?

ਸਕ੍ਰੀਨ ਬੰਦ ਹੈ। ਫ਼ੋਨ ਨੂੰ ਹੱਥ ਵੀ ਨਹੀਂ ਲਾਇਆ। 

ਫੇਰ ਇਹ ਕਿਵੇਂ ਹੋ ਰਿਹਾ ? ਇਸ ਤੋਂ ਕਿਵੇਂ ਬਚਿਆ ਜਾਵੇ ?

ਟ੍ਰਿਨਿਟੀ ਕਾਲਜ ਡਬਲਿਨ, ਆਇਰਲੈਂਡ (Trinity College Dublin) ਨੇ ਇੱਕ ਅਧਿਐਨ (ਪੀਅਰ-ਰਿਵਿਊਡ ਸਟੱਡੀ) ਵਿੱਚ ਉਪਰੋਕਤ ਤੱਥ ਦੀ ਪੁਸ਼ਟੀ ਕੀਤੀ ਹੈ। ਇਸਨੂੰ ਬੰਦ ਕਰਨ ਲਈ ਇੱਥੇ 10 ਸੈਟਿੰਗਾਂ ਦਿੱਤੀਆਂ ਗਈਆਂ ਹਨ। ਇਹ ਤਰੀਕੇ ਆਪਣਾ ਕੇ ਤੁਸੀਂ ਵੀ ਆਪਣੇ ਆਪ ਨੂੰ ਸੁਰੱਖਿਅਤ ਕਰ ਸਕਦੇ ਹੋ ।

1. ਵਾਈ-ਫਾਈ ਸਕੈਨਿੰਗ (WiFi Scanning)

ਤੁਸੀਂ ਵਾਈ-ਫਾਈ (WiFi) ਬੰਦ ਕਰ ਦਿੱਤਾ, ਪਰ ਤੁਹਾਡਾ ਐਂਡਰਾਇਡ (Android) ਫੋਨ ਇਸਨੂੰ ਬੈਕਗ੍ਰਾਊਂਡ ਵਿੱਚ ਸਕੈਨ ਕਰਦਾ ਰਹਿੰਦਾ। ਜਦੋਂ ਵਾਈ-ਫਾਈ ਦਾ ਬਟਨ (toggle) ਬੰਦ ਵੀ ਹੁੰਦਾ ਹੈ, ਤਾਂ ਵੀ ਗੂਗਲ ਆਲੇ-ਦੁਆਲੇ ਦੇ ਨੈੱਟਵਰਕਾਂ ਰਾਹੀਂ ਤੁਹਾਡੀ ਲੋਕੇਸ਼ਨ (ਸਥਿਤੀ) ਨੂੰ ਟ੍ਰੈਕ ਕਰਦਾ ਹੈ। ਇਸ ਨੂੰ ਇਸ ਤਰ੍ਹਾਂ ਬੰਦ ਕਰੋ।

ਸੈਟਿੰਗਾਂ (Settings) > ਲੋਕੇਸ਼ਨ (Location) > ਲੋਕੇਸ਼ਨ ਸਰਵਿਸਿਜ਼ (Location Services) > ਵਾਈ-ਫਾਈ ਸਕੈਨਿੰਗ (WiFi Scanning) > ਬੰਦ (Off)

ਸੈਮਸੰਗ ਫੋਨ ਵਿੱਚ ਇਹ ਆਪਸ਼ਨ 'ਇੰਪਰੂਵ ਐਕੂਰੇਸੀ' (Improve Accuracy) ਦੇ ਅੰਦਰ ਮਿਲਦੀ ਹੈ।

2. ਬਲੂਟੁੱਥ ਸਕੈਨਿੰਗ (Bluetooth Scanning)

ਬਿਲਕੁਲ ਉਹੀ ਸਥਿਤੀ। ਸੈਮਸੰਗ (Samsung) ਦਾ ਆਪਣਾ ਸੈਟਿੰਗ ਪੇਜ ਇਸ ਗੱਲ ਨੂੰ ਸਾਫ਼-ਸਾਫ਼ ਕਹਿੰਦਾ ਹੈ: ਬਲੂਟੁੱਥ ਬੰਦ ਹੋਣ 'ਤੇ ਵੀ ਇਹ ਆਲੇ-ਦੁਆਲੇ ਦੀਆਂ ਡਿਵਾਈਸਾਂ (ਯੰਤਰਾਂ) ਨਾਲ ਕਨੈਕਟ ਕਰਦਾ ਹੈ।

ਸੈਟਿੰਗਾਂ (Settings) > ਲੋਕੇਸ਼ਨ (Location) > ਲੋਕੇਸ਼ਨ ਸਰਵਿਸਿਜ਼ (Location Services) > ਬਲੂਟੁੱਥ ਸਕੈਨਿੰਗ (Bluetooth Scanning) > ਬੰਦ (Off)

3. ਆਪਣੀ ਐਡਵਰਟਾਈਜ਼ਿੰਗ ਆਈ.ਡੀ. (Advertising ID) ਡਲੀਟ ਕਰੋ

ਤੁਹਾਡੇ ਫ਼ੋਨ 'ਤੇ ਮੌਜੂਦ ਹਰ ਐਪ ਬਿਨਾਂ ਕਿਸੇ ਇਜਾਜ਼ਤ (ਪਰਮਿਸ਼ਨ) ਦੇ ਇਸ ਆਈ.ਡੀ. ਨੂੰ ਦੇਖ ਸਕਦੀ ਹੈ। ਆਈਫ਼ੋਨ (iPhone) ਐਪਸ ਨੂੰ ਪਹਿਲਾਂ ਪੁੱਛਣ ਲਈ ਮਜਬੂਰ ਕਰਦਾ ਹੈ, ਪਰ ਐਂਡਰਾਇਡ ਫੋਨ ਇਹ ਇਜ਼ਾਜਤ ਤੁਹਾਨੂੰ ਬਿਨਾਂ ਪੁੱਛੇ ਹੀ ਸਾਰੀਆਂ ਐਪਾ ਨੂੰ ਦੇ ਦਿੰਦਾ ਹੈ।

Android 12 ਤੋਂ ਬਾਅਦ ਵਾਲੇ ਮੋਬਾਇਲਾ ਵਿੱਚ ਇਸਨੂੰ ਪੂਰੀ ਤਰ੍ਹਾਂ ਡਿਲੀਟ ਕੀਤਾ ਜਾ ਸਕਦਾ ਹੈ।

ਸੈਟਿੰਗਾਂ (Settings) > ਗੂਗਲ (Google) > ਆਲ ਸਰਵਿਸਿਜ਼ (All Services) > ਪ੍ਰਾਈਵੇਸੀ ਐਂਡ ਸਕਿਓਰਿਟੀ (Privacy & Security) > ਐਡਸ (Ads) > ਡਿਲੀਟ ਐਡਵਰਟਾਈਜ਼ਿੰਗ ਆਈਡੀ (Delete Advertising ID)

4. ਵਰਤੋਂ ਅਤੇ ਨਿਦਾਨ (Usage and Diagnostics)

ਇਹ ਸੈਟਿੰਗ ਪਹਿਲਾਂ ਤੋਂ ਹੀ ਚਾਲੂ (ON) ਹੁੰਦੀ ਹੈ। ਇਹ ਬੈਕਗ੍ਰਾਊਂਡ ਵਿੱਚ ਐਪ ਦੀ ਵਰਤੋਂ, ਕ੍ਰੈਸ਼ ਰਿਪੋਰਟਾਂ (ਐਪਸ ਦੇ ਬੰਦ ਹੋਣ ਦਾ ਡਾਟਾ), ਅਤੇ ਡਿਵਾਈਸ ਦਾ ਡਾਟਾ ਗੂਗਲ ਨੂੰ ਭੇਜਦੀ ਹੈ।

ਟ੍ਰਿਨਿਟੀ ਕਾਲਜ ਦੇ ਅਧਿਐਨ ਵਿੱਚ ਪਾਇਆ ਗਿਆ ਕਿ ਤੁਹਾਡੇ ਵੱਲੋਂ ਇਸਨੂੰ ਮਨ੍ਹਾ (opt out) ਕਰਨ ਤੋਂ ਬਾਅਦ ਵੀ ਐਂਡਰਾਇਡ ਡਾਟਾ ਭੇਜਦਾ ਰਹਿੰਦਾ ਹੈ, ਪਰ ਇਸਨੂੰ ਬੰਦ ਕਰਨ ਨਾਲ ਡਾਟਾ ਜਾਣ ਦੀ ਮਾਤਰਾ ਕਾਫ਼ੀ ਘੱਟ ਹੋ ਜਾਂਦੀ ਹੈ।

ਸੈਟਿੰਗਾਂ (Settings) > ਗੂਗਲ (Google) > ਆਲ ਸਰਵਿਸਿਜ਼ (All Services) > ਪ੍ਰਾਈਵੇਸੀ ਐਂਡ ਸਕਿਓਰਿਟੀ (Privacy & Security) > ਯੂਸੇਜ ਐਂਡ ਡਾਇਗਨੌਸਟਿਕਸ (Usage & Diagnostics) > ਬੰਦ (Off)

5. ਗੂਗਲ ਦਾ ਸਹੀ ਲੋਕੇਸ਼ਨ ਚੁਣਨਾ (Google Location Accuracy)

ਤੁਹਾਡਾ ਫ਼ੋਨ Maps ਉੱਤੇ ਤੁਹਾਡੀ ਬਿਲਕੁਲ ਸਹੀ ਜਗ੍ਹਾ ਦਾ ਪਤਾ ਕਿੰਨੀ ਬਾਰੀਕੀ ਨਾਲ ਲਗਾਉਂਦਾ ਹੈ। ਜਦੋਂ ਇਹ ਸੈਟਿੰਗ ਚਾਲੂ ਹੁੰਦੀ ਹੈ, ਤਾਂ ਫ਼ੋਨ ਸਿਰਫ਼ ਜੀ.ਪੀ.ਐੱਸ. (GPS) 'ਤੇ ਨਿਰਭਰ ਨਹੀਂ ਰਹਿੰਦਾ, ਬਲਕਿ ਤੁਹਾਡੀ ਸਹੀ ਲੋਕੇਸ਼ਨ ਦਿਖਾਉਣ ਲਈ ਆਲੇ-ਦੁਆਲੇ ਦੇ ਵਾਈ-ਫਾਈ ਨੈੱਟਵਰਕਾਂ, ਮੋਬਾਈਲ ਟਾਵਰਾਂ ਅਤੇ ਬਲੂਟੁੱਥ ਦੀ ਮਦਦ ਵੀ ਲੈਂਦਾ ਹੈ।

ਉਹ ਸਾਰਾ ਡਾਟਾ ਵਾਪਸ ਗੂਗਲ ਦੇ ਸਰਵਰਾਂ 'ਤੇ ਜਾਂਦਾ ਹੈ। ਇਸਨੂੰ ਬੰਦ ਕਰਨਾ ਇਕ ਛੋਟਾ ਜਿਹਾ ਸਮਝੌਤਾ ਹੈ ਕਿਉਂਕਿ ਇਸਨੂੰ ਬੰਦ ਕਰਨ ਨਾਲ ਘਰਾਂ ਜਾਂ ਇਮਾਰਤਾਂ ਦੇ ਅੰਦਰ Maps ਥੋੜ੍ਹਾ ਹੌਲੀ ਕੰਮ ਕਰ ਸਕਦੇ ਹਨ।

ਸੈਟਿੰਗਾਂ (Settings) > ਲੋਕੇਸ਼ਨ (Location) > ਲੋਕੇਸ਼ਨ ਸਰਵਿਸਿਜ਼ (Location Services) > ਗੂਗਲ ਲੋਕੇਸ਼ਨ ਐਕੂਰੇਸੀ (Google Location Accuracy) > ਬੰਦ (Off)

6. ਵੈੱਬ ਅਤੇ ਐਪ ਗਤੀਵਿਧੀ (Web and App Activity)

ਇਹ ਡਾਟਾ ਇਕੱਠਾ ਕਰਨ ਦਾ ਮੁੱਖ ਰਸਤਾ ਹੈ। ਹਰ ਗੂਗਲ ਸਰਚ, ਗੂਗਲ ਕ੍ਰੋਮ 'ਤੇ ਦੇਖੀ ਗਈ ਹਰ ਵੈੱਬਸਾਈਟ, ਹਰ ਐਪ ਦੀ ਵਰਤੋਂ ਅਤੇ ਉਸ ਸਮੇਂ ਤੁਹਾਡੀ ਲੋਕੇਸ਼ਨ, ਇਹ ਸਭ ਕੁਝ ਸਿੱਧਾ ਤੁਹਾਡੇ ਖਾਤੇ (Google Account) ਨਾਲ ਜੋੜਿਆ ਜਾਂਦਾ ਹੈ।

ਸੈਟਿੰਗਾਂ (Settings) > ਆਪਣੇ ਪ੍ਰੋਫ਼ਾਈਲ 'ਤੇ ਟੈਪ ਕਰੋ > ਮੈਨੇਜ ਗੂਗਲ ਅਕਾਊਂਟ (Manage Google Account) > ਡਾਟਾ ਐਂਡ ਪ੍ਰਾਈਵੇਸੀ (Data & Privacy) > ਵੈੱਬ ਐਂਡ ਐਪ ਐਕਟੀਵਿਟੀ (Web & App Activity) > ਬੰਦ (Off)

ਜਾਂ ਇਸਨੂੰ ਬੰਦ ਕਰਨ ਈ ਲਈ ਤੁਸੀਂ ਸਿੱਧਾ myaccount.google.com/data-and-privacy 'ਤੇ ਵੀ ਜਾ ਸਕਦੇ ਹੋ।

7. ਯੂਟਿਊਬ ਹਿਸਟਰੀ (YouTube History)

ਯੂਟਿਊਬ ਜੋ ਗੂਗਲ ਦਾ ਹੀ ਹਿੱਸਾ ਹੈ, ਇਸ ਨੇ 2020 ਤੋਂ ਬਾਅਦ ਬਣਾਏ ਗਏ ਖਾਤੇ ਪਹਿਲਾਂ ਤੋਂ ਤੈਅ ਸੈਟਿੰਗ (default) ਮੁਤਾਬਕ ਤਿੰਨ ਸਾਲਾਂ ਦੀ ਵੀਡੀਓ ਦੇਖਣ ਦੀ ਹਿਸਟਰੀ ਸੰਭਾਲ ਕੇ ਰੱਖਦੇ ਹਨ।

ਪੁਰਾਣੇ ਖਾਤਿਆਂ ਵਿੱਚ ਇਹ ਹਿਸਟਰੀ ਹਮੇਸ਼ਾ ਲਈ ਸਟੋਰ ਰਹਿੰਦੀ ਹੈ ਅਤੇ ਕੋਈ ਆਟੋ-ਡਿਲੀਟ (ਆਪਣੇ ਆਪ ਡਿਲੀਟ ਹੋਣ ਦੀ) ਸੈਟਿੰਗ ਨਹੀਂ ਹੁੰਦੀ।

ਯੂਟਿਊਬ ਐਪ (YouTube app) > ਪ੍ਰੋਫ਼ਾਈਲ (Profile) > ਸੈਟਿੰਗਾਂ (Settings) > ਮੈਨੇਜ ਆਲ ਹਿਸਟਰੀ (Manage All History) > ਆਟੋ ਡਿਲੀਟ (Auto Delete) > 3 ਮਹੀਨੇ (3 months) 'ਤੇ ਸੈੱਟ ਕਰੋ।

8. ਸ਼ੇਅਰ ਕੀਤਾ ਨਿੱਜੀ ਡਾਟਾ (Personalize Using Shared Data)

ਗੂਗਲ ਦੀ ਇਸ ਸੈਟਿੰਗ ਦਾ ਮਤਲਬ ਹੈ ਕਿ ਗੂਗਲ ਤੁਹਾਡੇ ਫ਼ੋਨ ਦੀਆਂ ਵੱਖ-ਵੱਖ ਐਪਸ (ਜਿਵੇਂ ਜੀਮੇਲ, ਕੰਟੈਕਟਸ ਅਤੇ ਕਲਾਕ) ਦੇ ਆਪਸੀ ਡਾਟੇ ਨੂੰ ਇਕੱਠਾ ਕਰਦਾ ਹੈ। ਫਿਰ ਉਸ ਸਾਂਝੇ ਕੀਤੇ ਡਾਟੇ ਦੀ ਵਰਤੋਂ ਕਰਕੇ ਉਹ ਤੁਹਾਡੀ ਪਸੰਦ-ਨਾਪਸੰਦ ਦਾ ਅੰਦਾਜ਼ਾ ਲਗਾਉਂਦਾ ਹੈ, ਤਾਂ ਜੋ ਤੁਹਾਨੂੰ ਤੁਹਾਡੇ ਮੁਤਾਬਕ ਸੁਝਾਅ, ਖੋਜ ਨਤੀਜੇ ਜਾਂ ਇਸ਼ਤਿਹਾਰ ਦਿਖਾ ਸਕੇ। Gmail, Contacts, Clock) ਅਤੇ Files ਦਾ ਸਾਰਾ ਡਾਟਾ ਇੱਕ ਸਾਂਝੇ ਇੰਡੈਕਸ ਵਿੱਚ ਜਾਂਦਾ ਹੈ, ਜਿਸਨੂੰ ਗੂਗਲ ਆਪਣੇ ਵੱਖ-ਵੱਖ ਐਪਸ ਵਿੱਚ ਪੜ੍ਹਦਾ ਹੈ। ਇਹਨਾਂ ਸਾਰਿਆਂ ਨੂੰ ਇੱਕ-ਇੱਕ ਕਰਕੇ ਬੰਦ ਕਰੋ।

ਸੈਟਿੰਗਾਂ (Settings) > ਗੂਗਲ (Google) > ਆਲ ਸਰਵਿਸਿਜ਼ (All Services) > ਪ੍ਰਾਈਵੇਸੀ ਐਂਡ ਸਕਿਓਰਿਟੀ (Privacy & Security) > ਪਰਸਨਲਾਈਜ਼ ਯੂਜ਼ਿੰਗ ਸ਼ੇਅਰਡ ਡਾਟਾ (Personalize Using Shared Data)

ਹਰ 10 ਦਿਨਾਂ ਬਾਅਦ ਇਸਨੂੰ ਦੁਬਾਰਾ ਚੈੱਕ ਕਰਦੇ ਰਹੋ। ਕੁਝ ਡਾਟਾ sources ਆਪਣੇ ਆਪ ਮੁੜ ਚਾਲੂ ਹੋ ਜਾਂਦੇ ਹਨ।

9. ਆਲੇ-ਦੁਆਲੇ ਦੇ ਯੰਤਰਾਂ ਦੀ ਸਕੈਨਿੰਗ (Nearby Device Scanning)

ਇਸ ਸੈਟਿੰਗ ਦਾ ਮਤਲਬ ਹੈ ਕਿ ਤੁਹਾਡਾ ਫ਼ੋਨ ਆਪਣੇ ਆਪ ਆਪਣੇ ਆਲੇ-ਦੁਆਲੇ ਮੌਜੂਦ ਹੋਰ ਡਿਵਾਈਸਾਂ (ਜਿਵੇਂ ਵਾਇਰਲੈੱਸ ਹੈੱਡਫ਼ੋਨ, ਸਮਾਰਟ ਵਾਚ ਜਾਂ ਹੋਰ ਫ਼ੋਨ) ਨੂੰ ਲੱਭਣ ਲਈ ਲਗਾਤਾਰ ਬੈਕਗ੍ਰਾਊਂਡ ਵਿੱਚ ਸਕੈਨ ਕਰਦਾ ਰਹਿੰਦਾ ਹੈ, ਤਾਂ ਜੋ ਉਹਨਾਂ ਨਾਲ ਤੁਰੰਤ ਕਨੈਕਟ ਹੋ ਸਕੇ।

ਬਲੂਟੁੱਥ ਬੰਦ ਹੋਣ 'ਤੇ ਵੀ ਤੁਹਾਡਾ ਫ਼ੋਨ ਲਗਾਤਾਰ ਆਲੇ-ਦੁਆਲੇ ਦੀਆਂ ਬਲੂਟੁੱਥ ਡਿਵਾਈਸਾਂ ਨੂੰ ਸਕੈਨ ਕਰਦਾ ਰਹਿੰਦਾ ਹੈ। ਇਹ ਫ਼ੋਨ ਦੀ ਬੈਟਰੀ ਵੀ ਫੂਕਦਾ ਹੈ ਅਤੇ ਤੁਹਾਨੂੰ ਚੁੱਪ-ਚਪੀਤੇ ਟ੍ਰੈਕ ਕਰਨ ਦਾ ਇੱਕ ਹੋਰ ਰਸਤਾ ਖੋਲ੍ਹ ਦਿੰਦਾ ਹੈ।

ਸੈਮਸੰਗ (Samsung): ਸੈਟਿੰਗਾਂ (Settings) > ਕਨੈਕਸ਼ਨਜ਼ (Connections) > ਮੋਰ ਕਨੈਕਸ਼ਨ ਸੈਟਿੰਗਜ਼ (More Connection Settings) > ਨਿਅਰਬਾਈ ਡਿਵਾਈਸ ਸਕੈਨਿੰਗ (Nearby Device Scanning) > ਬੰਦ (Off)

10. ਹਰ ਐਪ ਲਈ ਬੈਕਗ੍ਰਾਊਂਡ ਡਾਟਾ (Background Data Per App)

ਇਸਦਾ ਮਤਲਬ ਹੈ ਕਿ ਜਦੋਂ ਤੁਸੀਂ ਕਿਸੇ ਐਪ ਦੀ ਵਰਤੋਂ ਨਹੀਂ ਵੀ ਕਰ ਰਹੇ ਹੁੰਦੇ ਮਤਲਬ ਉਹ ਸਕ੍ਰੀਨ 'ਤੇ ਖੁੱਲ੍ਹੀ ਨਹੀਂ ਹੁੰਦੀ ਤਾਂ ਵੀ ਉਹ ਐਪ Background ਵਿੱਚ ਇੰਟਰਨੈੱਟ ਡਾਟਾ ਵਰਤਦੀ ਰਹਿੰਦੀ ਹੈ—ਜਿਵੇਂ ਨਵੇਂ ਮੈਸੇਜ ਚੈੱਕ ਕਰਨਾ ਜਾਂ ਅਪਡੇਟ ਲੈਣਾ। 'Per App' ਦਾ ਮਤਲਬ ਹੈ ਕਿ ਤੁਸੀਂ ਹਰ ਇੱਕ ਐਪ ਲਈ ਵੱਖੋ-ਵੱਖਰੀ ਸੈਟਿੰਗ ਕਰਕੇ ਉਸਦਾ ਬੈਕਗ੍ਰਾਊਂਡ ਡਾਟਾ ਬੰਦ ਜਾਂ ਚਾਲੂ ਕਰ ਸਕਦੇ ਹੋ।

ਆਈਫ਼ੋਨ (iPhone) ਦੇ ਉਲਟ,  Android ਵਿੱਚ ਇਸ ਸਭ ਕੁਝ ਨੂੰ ਇੱਕੋ ਵਾਰ ਬੰਦ ਕਰਨ ਦਾ ਕੋਈ ਇੱਕ ਬਟਨ (toggle) ਨਹੀਂ ਹੈ। ਇਹ ਤੁਹਾਨੂੰ ਹਰ ਇੱਕ ਐਪ ਲਈ ਵੱਖਰੇ ਤੌਰ 'ਤੇ ਕਰਨਾ ਪਵੇਗਾ।

ਸੈਟਿੰਗਾਂ (Settings) > ਐਪਸ (Apps) > ਐਪ ਚੁਣੋ > ਬੈਟਰੀ (Battery) > ਰਿਸਟ੍ਰਿਕਟਿਡ (Restricted)।

ਵੱਡੇ ਪੱਧਰ 'ਤੇ ਸੁਧਾਰ ਲਈ: ਸੈਟਿੰਗਾਂ (Settings) > ਨੈੱਟਵਰਕ ਐਂਡ ਇੰਟਰਨੈੱਟ (Network & Internet) > ਡਾਟਾ ਸੇਵਰ (Data Saver) > ਚਾਲੂ (On)।

ਇਸ ਤੋਂ ਬਾਅਦ ਸਿਰਫ਼ ਉਨ੍ਹਾਂ ਐਪਸ ਨੂੰ ਇਜਾਜ਼ਤ( whitelist) ਦਿਓ, ਜਿਨ੍ਹਾਂ ਨੂੰ ਸੱਚਮੁੱਚ ਬੈਕਗ੍ਰਾਊਂਡ ਡਾਟਾ ਦੀ ਲੋੜ ਹੈ।

ਇਹ ਕੁਝ ਸੈਟਿੰਗਾਂ ਹਨ ਜੋ ਵਰਤੋਂ ਵਿਚ ਲਿਆ ਕੇ ਅਸੀਂ ਆਪਣੇ ਫੋਨ ਨੂੰ ਟ੍ਰੈਕ ਹੋਣ ਤੋਂ ਬਚਾ ਸਕਦੇ ਹਾਂ। ਉਮੀਦ ਹੈ ਇਹ ਤੁਹਾਡੇ ਲਈ ਮਮਦਗਾਰ ਸਾਬਤ ਹੋਵੇਗਾ।

ਇਹ ਵੀ ਪੜ੍ਹੋ 👇🏼

UPI ਵਰਤਣ ਲਈ ਅਲੱਗ ਬੈਂਕ ਖਾਤੇ ਦੀ ਲੋੜ ਕਿਉਂ ?